طريقة تحويل الفورد تورس من دفع امامي إلى دفع رباعي AWD

مشاء الله

والله شبابنا مبدع  بس ناقصه تشجيع وسيولهَ
شفت واحد يتكلم ب هالموضوع بس كنت فاكره يمزحَ
يارب زيد من ابداع شبابناً
وافكارهم المفيدهَ
احب اشوف اشيا كذا شكراً لك عالموضوع اعجبني 
وغير شوي من جويَ

بسوريا عندنا متسوبيشي لانسر تججي امامي يحولنها رباعي لكن ليها عيوب...

بسوريا عندنا متسوبيشي لانسر تججي امامي يحولنها رباعي لكن ليها عيوب...

اخوي مشكور على الموضوع
بس عندك لبس كبير فالموضوع

هالموضوع نزل بسبب انه بعض الدفعات الاولى من التورس ذات الدفع الرباعي طلع فيها عيب فالدفرنس الامامي يطلع صوت حنه واضطرو يغيرونه
وصاحب المقطع معاه تورس دفع رباعي
خرب عليه الدفرنس الامامي وهو الان يعرض كيف شكل الدفرنس وكيف يخلي الكفرات تتحرك فقط

وليس تحويل الدفع من امامي الى رباعي
وايضا تراه هو غير الدفرنس فقط
فك الدفرنس الاولى وحط الدفرنس الجديد
والعكوس القديمه خلاها

كل سياره دفع رباعي فيها دفرنس امامي
والدفع الرباعي تكون دفرنس خلفي ودفرنس امامي

اما تحويل نظام الدفع فهذي اعتقد صعبه وماعمري سمعت احد سواها

^^^^

هههههههههههههههه

ياشباب
صاحب الموضوع تعطل عليه الدفرنس الامامي وغيره بواحد جديد
ونظام التورس يفصل على سرعه معينه

صاحب التورس جالس يشرح عمل الدفرنس فقط وشكله 

الدفع الرباعي يفصل لحاله تماتيك كل السيارات السيدان كذا حتى الجيب مازدا 

الموضوع مو سهل بالطريقه ذي

تحتاج عمود دوران 
دفرنس او فريول
عكوس
فلناجات
الخ....

صحيح كلام أخونا شـاقح ، من عيوب التوروس المنتشرة ، عطل في الدفرنس الأمامي ، وقيمة القطعة بــ3700 ريال .


مشكور عالموضوع ، وننتظر جديدك

اعتذر حصل سوء فهم بالموضوع
والله يجزاكم خير على التوضيح

هالقطعه تحديداً  خربت على اخوي بالتورس الدفع الرباعي والسبب عدم تغيير الزيت الخاص فيها  عند 92 الف

سعر القطعه بالوكاله ب 5000 وشوي

وتشتريها مع الزيت

شغل اليد ب 2000 ريال   التوتل 7000 صافي

الدفع الرباعي ثققيل بالقومه والممشى اذا مسكت بريك وجيت تدعس مره ثانيه  ثقييل الموتر وانا كل يوم اسوقه واجربه

ف ما انصح بالدفع الرباعي   ويازين الدفع الخلفي / مثل تشاجر وبعض السيارات  واذا ماحصل    خذ تورس دفع امامي افضل بمراححل من الدفع الرباعي

وهالقطعه دااايم تخرب  وحذرنا منها موظف قطع الغيار بسبب نسيان تغيير زيتها

شكلين مابحكي
اتوقع سيارت اخوك فيها مشكله

الدفع الرباعي دائما قومته هي الاقوا
يعني لو تقاومت من الصفر الى ال 100 انت راح تربح

اما لو تقاومت من ال 60 او 100 فتاكد ان ال راعي الدفع الامامي والخلفي بيروح عليك
قومت الدفع الرباعي دحدره ضعيفه 

لكن قومت الدفع الرباعي من الصفر قويه وشوف هالمقطع

https://www.youtube.com/watch?v=suRfcePrcHU

بخصوص خراب الدفرنس فهو اعتقد كان عيوب في الدفعات الاوليه

اما الدفعات الثانيه 2013 2014 مافتكر احد اشتكى منها كثير

واما الزيت لازم يتغير بانتظام

اخوي شاقح 

كلامك على متمه

لكن اولاً اخوي موظف ارامكو وماله في القومات او الدعس  والله انه يحافظ على السياره بشكل ماتتخيل وسواقته رااكده مره
2 /  انا اسوق السياره والله انه اثقل منها مافيه في الممشى يعني لو تمشي بزحمه مثلاً 40 ثم تهدي   ثم ترجع تدعس الموتر ثقييل بحكم انه فور ويل
واقولك هالشي من واقع تجربه  وجربت دفع امامي مع واحد من اخوياي  فررق يارجل  لان اللي يتحرك بس محور واحد الدفع الامامي  مو كل الكفرات
ابعطيك مثال غبي شوي /   عمرك شفت واحد معه في اكس ار  مشغل الدبل ويمشي فيه 70 او 80 وهو مرتاح ؟ طبعاً لا  لانه بيصيير ثقيل الموتر 
من بعد اذنك اسأل اصحاب التورس الدفع الرباعي او اللي جربوها بمنتدى فورد وبتعرف الفرق
أخوي تندم انه اخذها دفع رباعي  الا بحاله وحده  اذا نادراً نادراً نزل ع التراب اذا صار حادث بطريق دوامه ونادراً يسويها

ع فكره التورس اللي بالمقطع ما اتوقع انها دفع رباعي لان فئه ال اي اس ال تجي رباعي  وتجي دفع امامي

انا عندي تورس.رباعي مالحضت انا ثقيله والحين ماشي عليها 97 الف وماشاء الله تمام